體會

這陣子, 我體會多了想成為一個"得"的男人所承受的壓力, 負擔和要求
令我對你更加的欣賞

今後, 我要俾多d信心你同自己, 應承得你o既野都會一一實踐

心裡有一種強烈的感覺, 有神介入當中的關係, 會係一段受祝福的關係

我...比以前成熟了?

很愛很愛~

今晚, 真係好多謝你
多謝你跟我一起計劃未來
多謝你咁疼我
多謝你咁愛我
多謝你咁明白我
多謝你咁體諒我
多謝你tum我

我真係好感動, 感動得只懂喊

給我信心 當我未如願
披雨戴風問寒送我暖
親切眼光 舒我亂和倦
從無更改心照總不宣

長長路中 走到那裡生命裡
有你我方找到生存來源
難行日子 不削我對生命眷戀
因有著你 跟我一起
親愛的你

一次也不 推說亂和倦
一次你都未曾去計算
給了再給 始了便無斷
無條件分擔各種辛酸*

從前沒講 今次要說多謝你
我有你給的愛因而完全
誰人是我 心裡至愛生命至尊
都也是你 真了不起
親愛的你

若問世界誰無雙 會令昨天明天也閃亮
定是答：你從無雙
多麼感激竟然有一雙我倆*

Repeat *

一世慶祝 整個地球上
億個背影但和你碰上
想說你知 整個地球上
無人可使我更想奔向


很想大聲對所有人說:
阿振
我很愛很愛你

3 -- 食能相會?

erg o'camp過後, 緊接有大o, 不過好玩程度大不如之前的, 認識了一班大o組mate, 也不及之前的o岩傾和好玩, 不過都好高興識到佢地~

暑假將完, 有細o大組聚, 節目係石澳bbq, 係我印象中, 呢次大組聚係o'camp之後第一次再見番d組mate. 而且, 呢次都係我/你?第一次約埋一齊去目的地. 一齊玩game, bbq, 大家有講有笑, 好開心~都因為呢個機會, 我又可以見到你多dd, 認識你多dd, 有機會相處多dd, 哈~

開學, 要搵生活費o既我都係忙於教琴, 突然教教下琴收到你o既電話, 說想相約去med can食出名的檸檬批. 可惜我身不在中大, 不能赴會, 不過心裡都開心了一會, 起碼你都會記起我, 有節目會預埋我, 搵下我~收到一個電話都如此開心, 我有病...

唔記得幾時, 只係記得開學冇耐, 我地又有小型組聚, 就係去mandy媽o既hall一齊食lunch. 落堂之後係lady shaw相約edward爸爸同你, 傾左一陣, 睇過你張中學生一般o既time table, 驚訝完之後, 跟住就去食lu~

好似, 每次見你, 都離不開--食~

開心

近兩個月都很幸福快樂, 7月放大假, 去左兩個地方, 泰國同上海旅行, 很滿足, relax. 放完大假, 去完旅行, 舒適甜蜜充實生活, 心情愉快至今~

忍唔住要一提, 我有一個很好, 很疼我的男朋友
再忍唔住要一提, 我有很好, 很疼我的爸爸, 媽媽, 哥哥和妹妹

2 -- O Camp

玩遊戲, treasure hunt, 吹水...俾我發現有一個人, 有領導才能, 玩得(可能係貪玩), 又talk得, 心裡有o的欣賞~
組花組草...近距離接觸, 緊張到死, 話晒咁大個女都未試過同男仔咁近接觸, 個心真係砰砰跳, 仲記得果首歌"明知故犯"
舞會, 坐你隔離, 同你跳舞, 好開心~

但...
可惜他有女朋友

耳環好靚好喜歡, 多謝

書展每年總要行一次, 開心

每月總有一餐有意義的飯, 滿足

被狗咬過一次, 以後都會驚狗

受過傷, 本能都會極力保護自己

最憎新年中秋砰石

3年大限唔通到期? 原來你有這強烈的想法...

眼淚都係唔值錢

今晚有心臟病

純粹唔鐘意人地想...

我都係鐘意收埋自己

我想休息

講多都係錯多

我唔鐘意呢個, 仲有果個

一係一個怪人

我憎我自己

我唔鐘意自己

我好冇用

我一路退步

我除左喊冇野識

我小氣

我冇野好

我開心完又唔開心

我成日搞到人唔開心

我想同人講野

我想你開心

我想被明白

我想訓覺

我要走喇

我想你地掛住我

矛盾

有d野, 想知, 知道左, 唔開心

有d野, 想唔記得, 偏要記得, 折磨

1 -- Once upon a summer time

記得02暑假, 我入左u, 參加左迎新營, 認識左你...

入u, 第一件事係要識多d人, 玩番餐勁, 所以我參加左2個camp咁多: engine o'camp同書院o'camp.

第一個要去o既camp係engine o'camp, 一直都好期待, 因為engine o'camp出名玩得癲, 而且又算係第一次接觸大學生活, 對於貪玩o既我黎講, 真係好期待好期待~~收到電話, 係"組爸"叫Edward打俾我, 話我係屬於"救世軍", 叫我準時到UC gym 集合, 好! 精彩難忘o既4日3夜o'camp即將要展開,興奮興奮~~唔知係咪興奮過頭, o'camp前一晚竟然訓唔著, 搞到我遲到! 可惡!

趕呀趕, 趕到UC gym, 快速搜索"救世軍", 見到好多人都已經坐左係度等, 梗係即刻仆過去. 嘩, 太好喇, 我o既組媽竟然就係cy姐姐(即係Mandy), 識ga識ga, 有照應, 有計傾, 呢4日3夜冇有怕lu~

"Hello, 我係Carol呀~~", 介紹完自己, 我就開始被歡迎喇, 坐左係其他組mate中間, 佢地嗌晒slogan拍晒手"歡迎你, 我地歡迎你..." 之後佢地每人逐一介紹自己, 阿志, 肥寶, Bernie, Patrick, 阿斌, Rocbo, 阿鋒, Raymond, Kevin, 阿Chris. 阿Chris? 當佢介紹自己, 我不其然望住佢, 點解...呢個人俾我o既感覺會同其他人唔同? 我直覺話俾我知, 我會/可以同呢個人熟, 都想同呢個人熟.

就係咁, 我認識左"阿Chris"...

written test

收到通知, LV叫我去做written test, 一收到通知只想到要請假的事, 而唔係緊張...對我黎講真係好奇怪...難道...我唔同左? 變得現實左? 不過無論如何, 要好好準備先得, 因為我想轉行, 而呢個係一個好機會, 要俾心機!

忙碌

呢個星期真係好忙, 好多野做, 又成日要呢度去果度去site visit, 最慘就係自己唔多識路, 先係尋日去完澳海城附近o既IEdu town center site visit搭錯車, 原本公司有一大堆文件等我返去做, 但係因為搭錯車, 返到去公司都關門, 於是就被迫提早收工返屋企, 勁無奈 =_=''' 今日又要去HKU site visit, 唔識去...不過好彩有mei姐教路, 先可以順利到達, 去到要睇d機房, lift房, 又dirty又危險, 又要行黎行去, 累到死...所以o係搭車途中訓死左 =o

忙碌o既工作幾時完呀? 我好想抖下

澳門短宣Part 1

哈哈, 因為懶o既關係, 我都好耐冇寫日記lu~~呢兩個月總括而言都係開心, 真係幾開心 =)

最近復活節去左澳門短宣, 對我黎講真係一樣好新鮮, 好緊張, 好期待o既一件事情. 因為覺得自己對bible仲有好多唔熟悉o既地方, 覺得自己仲未夠'得', 所以出發前都盡量準備好自己, 膽粗粗就同廿個兄弟姐妹去喇~

第一日李倩, 我帶敬拜時, 發覺自己原來仲未係好ready個心短宣, 值著pray, 神好似俾左方向, 力量我, 我知我所做的只要是為左衪, 一定會掂! 值得一提在敬拜環節中有替兄弟姐妹洗腳的服侍, 令我有很深的體會.

晚上參與龍苑堂o既受苦節晚會, 當中有講到人生的, 父母的, 感受很多. 之後有一個時間係搵一個partner行一段路留下腳印, 發覺原來係信仰上有人同行是一件美好的事, 大家可以互相扶持和鼓勵, 不致孤單無助, 而我都好慶幸我有一班這樣的兄弟姐妹 >.<

i love u all

認識到你地真好~我真係好慶幸自己有一班很好的朋友們, 我開心的時候, 佢地會替我開心; 我唔開心的時候, 佢地會支持我, 開解我。今日真係好開心佢地同我慶祝生日, 一班人說這說那, 玩這玩那, 很簡單, 但很快樂, 就是喜歡和你們相處的感覺。

我真係由衷地多謝你地~~多謝你地替我慶祝, 多謝你地o既禮物, 多謝你地o既
祝福 >.<

我會好好去珍惜

一個月

一個月, 之前一直都覺得眨下眼就過左, 但係呢一個月, 我真係覺得好長好長...你知嗎? 呢一個月真係好痛苦, 但係我有一個感覺, 覺得呢一個月,或者再長o既時間, 會係值得o既。呢一個月, 沒有一晚睡得好, 沒有一晚沒有哭, 沒有一晚沒有想你...一直忍著不去找你, 一直偷偷地打探你的消息, 一直默默支持著你, 一直關心著你, 一直心在痛...
直到呢一個星期, 開始可以比較輕鬆跟你相處, 談話, 心裡有種暖暖的感覺, 也開始更加明白你在想什麼, 更清楚知道自己有多愛你...有時都會諗, 等, 是否很傻? 但係我知, 如果等o既係你, 再痛再辛苦都值...
其實, 呢一個月, 我都有過真的很傻的想法...放棄...恨...甚至死...但想到...如果愛, 到最後會變成這樣, 根本算不上愛, 加上有幾位好友開解, 我先可以撐得住~
我想講, 我依然係我, 而且會變得一個更加得o既我, 令到自己更值得你愛

數你

想 從幽幽的眼圈
逐公分那樣轉 為你點算著疲倦
願歲月難被我數完 地老天荒能轉多少個圈

想 從撕開的戲飛
逐分鐘掛念你 是哪一套最回味
從每日然後每星期 你我一起能看多少套戲
無奈肉眼看不到 用兩手摸不到
怎麼計算亦難料沉迷程度

同偕到老還餘下多少步
還能捏著你抱緊幾秒鐘擁抱
誰又會知道 憑每下心跳繼續數繼續數
只願延續下去數得到蒼老

想 從洶湧的髮埋逐公分看下去
直到擁抱著沉睡
命與運埋在你手裡 你那些掌紋有多少愛侶

誰願意知道 憑每下心跳繼續數繼續數
數著何時眼淚才能被看到

還能與你再聽幾多音樂 還能伴著你再跳幾世紀的舞
其實我知道 迷上你 一分一秒煎熬
一次傾慕 只願容貌讓我數得到蒼老
一秒煎熬 一寸傾慕 數著何時望到彼此也蒼老

最特別的存在

天很藍　風吹著白襯衫　快樂也像漲滿風的帆
抱著你　感覺那麼自然　不必客氣你隨時可以去依賴
愛上誰　不是一種交換　我心甘情願這樣守護你　你不用還
最特別的存在　你值得我等待　一顆心就這樣被你　一點一點佔滿
愛這個字說了就不會改　不會有誰可以取代
最特別的存在　你讓我走不開　幸福就算需要時間　也是理所當然
像這樣　靠著我　不管你明白不明白　我已確定了答案

有意思

看到一段很有意思的話:

"神怎去看愛情呢...
喜歡一個人... 不是從肉眼去喜歡...
乃是看到自己和對方生命上的缺乏...
彼此補足...互相建立...
才是兩個人走在一起的原因...
認清自己真真正正需要些甚麼...
當有人可以滿足你那些需要...
其他一切缺點.. 又算得上甚麼?
那時候你就知道... 他是神給你的..."

真的很有很有意思, 令我明白很多~
多謝您~

<北極雪>
北極雪下在那頭 寂寞不寂寞
誰的想念是他的問候
你若問我快不快樂 寂寞不寂寞
牽你手 貼我手 感覺我的脈搏
你要試著了解 試著體會 用心好好感覺
然後你才能夠看得見 快樂悲傷
也許我的眼淚 我的笑靨 只是完美的表演
聽說極下了雪 你可會 也覺得它很美


盡力唔俾自己去諗, 但看見一張張照片, 心就痛起來, 淚也流下來

忘記了...怎樣笑

電話

尋日收到電話有得2nd in, 真係有d驚訝, 因為o個日interview o既表現其實真係唔好, 不過既然有機會, 就要好好把握, 要俾心機呀~

呢兩日返工接左不下20個電話, 問o既都係同一個問題: "y304個銀幕整番好未?"各位大佬呀, 我尋日咪同你地講左整番好囉, 仲落埋record tim, 點解可以兩日內同樣幾個人問我幾十次ga!!!答到我都炆呀! 一係你地信唔過我就自己去check, 問完又問, 打幾十個電話黎, 痴線ga!
今日返工來來回回, 走來走去, 好累, 但係都唔知自己做緊咩...
做呢份工先發現, 原來男人都可以好小氣, 好cheap...唉...好心喇, 真係可憐佢地...

放工之後在尖沙咀逛了一會, 經過很多地方, 感覺很熟悉, 逛累了, 回家

日日等電話, 究竟等咩?

痛

1月2日
點解...原本可以開開心心, 總係俾我弄糟...點解我要小氣, 點解我要呷醋, 點解我要發脾氣...好嬲自己點解有d事我地總係唔可以妥協, 究竟係我有問題, 定係你有問題, 或係大家一齊就有問題? 係我唔明白你, 定係你唔明白我?點解要搞成咁...


1月3日
對唔住...我又一次...放棄...
明明唔想咁, 點解...我真係好衰, 好衰好衰
o個一刻, 我只想到當前o既唔開心, 其他...都沒有想, 我之前應承過的呢?
好討厭自己一時衝動, 一時意氣...點解我係一個咁o既人...討厭唔知點解, 我覺得今次...真係會發生...好可怕...但係全都係我一手做成...
抵死...


1月4日
你做緊咩呀譚敏琪? 今次真係發生喇...冇左先識得珍惜...後悔有咩用呀? 今次冇機會俾你後悔喇, 對唔住有咩用呀? 係你自己衰呀, 反醒下喇! 但係反醒都冇用喇, 你冇機會喇...做錯野自己要承受ga好憎好憎好討厭好討厭自己...
唔好要我估...好驚結果


1月5日
miss u so much

心很痛很痛


1月6日
interview表現不理想, 算了, 機會總會有

原來我係一個大包袱, 原來同我一齊係咁辛苦, 原來呢個就係...我
照顧, 關心, 我都沒有機會, 沒有勇氣了


1月7日
掛念, 忍不住, 望一眼, 忍著淚, 沒勇氣, 轉身, 走上街, 亂哭一場

對唔住


1月8日
見面了, 不知所措, 強裝, 捨不得, 還是要走...
你...還好嗎?
很想找你, 只怕...